Iogur sobremesa sabor Queimada

Un iogur con todo o sabor e a intensidade da festa a carón do lume, pero suave e inocente coma o Leite de Pastoreo

Despois da Sobremesa de Licor Café tiñamos que honrar outro sabor igualmente xenuíno de Galicia. Así naceu a Sobremesa de Queimada con Leite de Pastoreo: un iogur suave e cremoso como o Leite de Pastoreo, pero con todo o aroma e a personalidade da nosa bebida máis ritual

Información nutricional
Ingredientes

Leite, preparado de limón, augardente e café: 18% (azucre, limón: 5%, almidón modificado, augardente: 1,6%, aromas, café: 0,5%, estabilizante: goma guar, corrector de acidez: ácido cítrico, conservador: sorbato potásico), azucre, leite en polvo desnatado, proteínas do leite, fermentos lácticos (leite)

Digna de conxuro pero sen alcol

A Sobremesa de Queimada é perfecta para ese momento de desconexión logo dun día longo. Saborea a nosa Sobremesa de Queimada e transpórtate a esas festas a carón do lume. E se sabes o conxuro, por que non expeler os malos agoiros removéndoa coa culler?

Xenuinamente galega, como as vacas nos prados

Como apaixonados do leite e os seus derivados que somos, a nosa homenaxe a unha boa queimada só podía ser coa nosa mellor materia prima: o Leite de Pastoreo. Porque Larsa é a primeira marca de Leite de Pastoreo certificada; un leite de vacas que pastan libres e 100 % galego, como a queimada.