Ensalada de espinacas, aguacate e queixo San Simón

Rápida, apetitosa, lixeira E case sen pisar a cociña!

Notas de interese / Consellos

A espinaca é unha hortaliza tan tenra que todas as súas variedades permiten a preparación en cru. Con todo, para esta receita recomendámosche a variedade baby, de folla lisa, porque é máis tenra que as demais e aprovéitanse ata os talos, sobre todo se as cultivas ti mesmo. Uses cal uses, lava ben as follas. Nesta receita #Larseira, decantámonos por un aderezo con vinagreta; se che gustan os vinagres aromatizados con froitas, son ideais neste caso.

Alérxenos

Lactosa
Ensalada de Espinacas, aguacate e Queixo San Simón Larsa

Que produtos de Larsa precisas para facer a receita?

Ingredientes

Para 4 persoas

Elaboración

Tarde de calor, praia ou paseo e achégase a hora da cea… De verdade apetéceche meterte na cociña? Non? Pois aquí tes a solución para preparar unha cea rápida, apetitosa e case sen manchar: Unha ensalada de espinacas, aguacate e Queixo San Simón Afumado Larsa en taco, elaborado con Leite de Pastoreo e listo para cortar. O paso máis complicado desta receita é lavar as espinacas. Con iso xa está todo dito! A partir de aí, terás a túa cea lixeira lista en menos de 5 minutos! As espinacas son unha hortaliza con moitas vitaminas e minerais e en cru teñen un sabor máis suave que cocidas, así que son perfectas para toda a familia, mesmo para quen rexeita as verduras. Se ademais engadímoslles o noso Queixo San Simón Afumado en taco e coa cremosidade do Leite de Pastoreo, o éxito está asegurado. Imos aló cos pasos, é imposible perderse!

Para asegurarte de lavar ben as follas de espinaca, cobre a metade do lavadoiro da cociña de auga, mergúllaas dentro e déixaas en remollo uns minutos.

Deita as espinacas nun escurridor ou retíralles a auga cun centrifugador de leituga se o tes, pero faino suavemente e en 2 veces, sen esmagalas, ou sairán non só mareadas senón chafadas. ;)

Coloca as follas enteiras na ensaladeira facendo unha cama e salga lixeiramente. Imos co resto dos ingredientes.

Corta o aguacate á metade; cada metade en láminas finas e reserva. Pica a cebola en cuarteiróns igualmente finos. Para saborear mellor o Queixo San Simón Afumado en taco Larsa, párteo en dados.

Une todos os ingredientes partidos antes de distribuílos sobre a cama de espinacas.

Xa estamos rematando, só nos queda a vinagreta. Nun cunco pequeno pero de boca ancha, verte o vinagre, un chisco de sal e a pementa e remove cun batedor de varas.

Engade o aceite nun fío fino e constante sen deixar de remover co batedor para emulsionar ben a vinagreta. Botáa sobre a ensalada e listo. Que tal? Podes contestarnos subindo a túa foto a Instagram.

919