Se hai un prato tradicional nas nosas festas populares, nas celebracións familiares ou nas reunións de amigos é o Polbo á Feira. É o cefalópodo rei da mesa galega! Hai tempo que algunhas receitas procuran actualizar este clásico, pero a nós non se nos ocorre unha mellor variante que o prato que che propoñemos aquí: Queixo San Simón Afumado, elaborado con Leite de Pastoreo, e Polbo. Unha receita con todo o sabor do Polbo á Feira pero máis cremoso e con ese toque afumado que tan ben marida co pemento… Aínda non o probaches? Dámosche todas as pistas que precisas para un resultado perfecto.
Usa unha fonte redonda apta para forno de polo menos 30 centímetros de diámetro. As de barro son ideais para esta receita porque manteñen mellor a calor ata o momento de servir.
Pela as patacas xa frías e córtaas en toros do mesmo ancho que o teu dedo índice. Colócaas sobre a base da fonte formando un círculo, coma se debuxaras unha flor.
Corta coas tesouras o polbo por riba das patacas e cobre con el toda a primeira capa.
Bota o sal gordo ao polbo e ás patacas e verte un bo chorro de aceite de oliva. O proceso é moi similar a cando preparas o Polbo á Feira.
Cobre o polbo con liscos abondosos de Queixo San Simón Afumado Larsa en taco.
Cobre o polbo con láminas Co forno prequentado a 200 graos durante 10 minutos, introduce a fonte e enforna 5 minutos a 180 graos.
Saca a fonte do forno e empoeira o pemento sobre o queixo derretido.
Serve inmediatamente. Un dos grandes segredos deste prato é gozalo ben quente. Bo proveito!
