Pastoreo Larsa

A esencia da gandaría tradicional para lograr unha materia prima excepcional

Din que Galicia é a terra do mil ríos e do millón de vacas. Dos ríos e do clima depende que a nosa terra teña ese verde intenso de bosques e praderías. A paisaxe ideal para unha vaca! En Larsa sabémolo, e por iso somos a primeira marca de Leite de Pastoreo Certificada por SGS S.A., unha entidade líder en verificación e inspección que garante que
as nosas vacas pacen un mínimo de horas ao día ao aire libre dacordo o manual de pastoreo. Leite Galego 100%, de vacas que pastan en libertade e teñen unha alimentación natural. Os prados de Galicia son a orixe dos productos Larsa, pastos verdes e abondosos nos que as nosas vacas pasan o día, sen presas, no seu hábitat natural.

Vacas felices e galegas!

Unha produción que coida o medio ambiente Rabaños que pastan ao aire libre e cunha alimentación natural

A gandaría en pastoreo é unha forma diferente de enfocar a produción para ofrecer alimentos sans e de calidade. Hai moitas vacas que producen leite en Galicia, pero non todas saen a diario a pastar en prados de herba fresca e abondosa ou a refrescarse baixo as árbores.
O noso compromiso coa excelencia, co respecto ao medio ambiente e permitir que as vacas se críen sen tensións, en permanente contacto coa natureza de Galicia, no seu hábitat natural.

Coñece o día a día das nosas vacas

Pastoreo Larsa, vacas que viven mellor

O Leite de Pastoreo certificado garante que as vacas saian aos prados a diario para se alimentar ao seu ritmo. Por iso as vacas de pastoreo Larsa viven mellor que as dunha gandaría industrial.
Os nosos gandeiros moxen o gando dúas veces ao día e así obteñen unha materia prima de altísima calidade e un sabor xenuinamente tradicional do pastoreo de Galicia: o leite Larsa co que elaboramos os nosos produtos de pastoreo.

Control do Pastoreo

Gandeiros expertos en control de pastos e con expediente! Menos de 3 vacas nun campo de fútbol!

A que non sabías que as nosas vacas teñen moito máis espazo que os futbolistas nun partido de fútbol? O certificado Leite de Pastoreo de SGS S.A. esixe que os pastos teñan unha carga media de 2,5 vacas adultas por hectárea de terreo e que a herba teña polo menos 5 centímetros de alto.
Ser gandeiro de pastoreo certificado é tamén algo serio; significa ter formación en manexo de pastos, ademais de, por suposto, estar en posesión dunha carta de cualificación sanitaria e dun rexistro escrupuloso coas necesidades sanitarias de cada vaca: o Caderno de Pastoreo.

PASTOREO, NOSA FORMA DE VIDA

Ola! Son a vaca Marela e vouche contar como é a miña vida nunha granxa de pastoreo. Ás vacas encántanos madrugar.

E cada mañá, entre as 7 e as 8, móxennos antes de saírmos a almorzar. Os meus donos revisan logo que esteamos todas ben e lévannos ao prado. Camiñamos un pedazo paseniño ata os pastos. Co orballo da mañá están deliciosos! Os nosos prados son grandes e alí comemos ao noso ritmo, aínda que ás veces nos gusta xuntarnos, como a calquera fato.
Vivimos a vida sen présas, e os días que o sol abafa botámonos a durmir a sesta debaixo dun carballo. Ademais de pastos, comemos alimentos naturais que apañan os nosos gandeiros. Ás 7 da tarde retirámonos de novo para volver dar o mellor de nós. Logo imos durmir ata o día seguinte. Somos vacas felices, por iso damos un leite de máis calidade e vivimos máis e mellor.

De onde vén o Leite de Pastoreo Larsa?

Compromiso co sector de Galicia Máis de 400 explotacións das mellores áreas de produción

A materia prima dos produtos Larsa de Pastoreo é leite 100 % galego que recollemos en máis de 400 explotacións repartidas por distintas áreas de produción de Galicia. Son gandarías certificadas en réxime de pastoreo de tamaño medio,
con rabaños de entre 15 e 100 vacas en muxidura que permiten manter o escrupuloso coidado que esixe a certificación Leite de Pastoreo. Un produto de alto valor engadido co que se retribúe mellor o esforzo dos gandeiros.

SGS-Logo

Esta página web utiliza cookies propias y de terceros. Si sigue navegando por la página, significa que está de acuerdo y acepta nuestra Política de cookies.