Importancia dos lácteos para unha adecuada hidratación

O leite e os seus derivados lácteos son alimentos de alto valor nutricional. Incluílos no noso día a día posúe grandes beneficios, xa que forman parte do marco dunha dieta variada, equilibrada e sostible. Consumilos é indicador dunha boa calidade na alimentación.

Achega de nutrientes

Os lácteos son coñecidos pola súa alta densidade en nutrientes. Este tipo de alimentos proporciónannos minerais como o calcio, o fósforo, as proteínas de alto valor biolóxico, vitaminas como a vitamina D ou a vitamina A, os ácidos graxos esenciais e os hidratos de carbono (lactosa).

Alto potencial hidratante

A importancia de inxerir lácteos non se limita só á súa capacidade nutritiva e enerxética senón tamén ao seu alto potencial hidratante.

Unha hidratación correcta é un hábito moi importante para a nosa saúde, xa que o noso corpo contén aproximadamente entre un 60-75% de auga. A auga é un elemento clave en moitas funcións do noso organismo, desenvolvendo un papel crucial na vida e na saúde humana.

A falta de inxesta de auga pode dificultar o correcto funcionamento do organismo. Por exemplo, consumir menos litros de auga que os recomendados pode provocar unha deshidratación, supoñer malestar xeral, cambios de humor ou dores de cabeza, entre outros.

Este fenómeno vese incrementado durante o verán, debido ao aumento das temperaturas, a exposición ao sol e os cambios no estilo de vida.

Cal é a cantidade recomendada? 

Para previr unha deshidratación é fundamental inxerir unha cantidade adecuada de auga. A nosa recomendación de consumo de auga e outros líquidos é de 2-2,5 litros/día.

Os lácteos son alimentos cun elevado contido en auga. A súa achega é aproximadamente dun 40-90%. 


Cal é o papel dos lácteos?

O leite contén, como máximo, un 90% de auga, os iogures e derivados lácteos ao redor dun 85% e os queixos teñen un contido máximo do 60%, en función do seu estado de maduración.

Existen estudos que relacionan o consumo de lácteos na poboación española coa súa contribución ás achegas de auga. Tomando como referencia os resultados do estudo ANIBES e as recomendacións da inxesta da EFSA, os lácteos móstranse como unha alternativa de inxesta de auga. Atendendo á idade, ás necesidades fisiolóxicas e o sexo, pódese ver que o aporte de auga deriva da inxesta de lácteos. Para os consumidores, supón entre un 12,42%-25,74% da inxesta hídrica.

En definitiva, cos datos deste estudo pódese concluír que o consumo de máis de 2 racións de lácteos ao día pode axudarnos a cubrir 25% das nosas necesidades hídricas. Por tanto, os lácteos poden chegar a ser unha solución ideal á hora de inxerir as cantidades necesarias de auga dunha forma máis atractiva.

Os lácteos son importantes para o bo funcionamento do organismo. Este tipo de alimentos non só nos axudan a cubrir as cantidades recomendadas de auga, senón que tamén garanten a achega de electrolitos e de importantes nutrientes. Todo iso fai que o seu consumo se converta en fundamental, garantindo o bo estado de saúde ao longo da vida.



pastoreo Larsa