Iogures tradicionais con Leite de Pastoreo

Dentro da nosa gama de iogures tradicionais poderás atopar os sabores de sempre, eses que non poden faltar na neveira da maior parte das familias: iogur natural, iogur natural azucrado, iogur de amorodo, iogur de limón, iogur de plátano, iogur de ananás e, como non, o noso iogur máis emblemático: o de vainilla. O iogur de vainilla Larsa é o favorito dos Larseiros. O seu sabor inimitable outorgoulle a honra de ser o iogur máis vendido de Galicia. Aínda non o probaches?

Inicio / Produtos / Iogures / Iogures Tradicionais

Un iogur natural co sabor auténtico do Leite de Pastoreo Larsa

Un iogur natural co sabor auténtico do Leite de Pastoreo Larsa

O iogur natural tradicional co edulcorado xusto para gozar del onde queiras

O noso iogur máis popular, con sabor a auténtica vainilla e o máis vendido de Galicia

Un iogur coa textura perfecta do iogur con Leite de Pastoreo e un refrescante sabor a amorodo que non te deixará indiferente

O noso iogur máis fresco, cun suave sabor a limón e o perfecto contraste doce

Un dos nosos iogures favoritos entre os nenos e os que non o son tanto. Descubre por que!

O primeiro iogur de ananás elaborado en Galicia e a homenaxe máis cremosa á primeira froita tropical que coñecemos

O equilibrio perfecto entre unha textura cremosa e o sabor da mazá

Iogures Larsa, iogures de pastoreo

Sabías que todos os iogures tradicionais de Larsa están elaborados con Leite de Pastoreo? Por iso están tan bos! O leite co que se producen os iogures Larsa provén de vacas galegas que pastan en liberdade nos verdes prados da nosa terra e que se alimentan de forma natural. O Leite de Pastoreo Larsa conta coa certificación de SGS S.A., un prestixioso selo que avala estas prácticas sostibles.

A calidade de vida das vacas vese reflectida na calidade do leite e, polo tanto, no sabor dos nosos iogures. Por iso teñen esa cremosidade única e esa intensidade inigualable. Se aínda non o fixeches, próbaos e descubrirás que non hai outros iguais.

Ideais para gozar en familia

Os nosos iogures tradicionais son perfectos para aquelas persoas que gustan dos clásicos. Resultan ideais para toda a familia, pero os máis pequenos tolean especialmente por eles debido ao seu sabor e cremosidade. O seu emblemático formato de vasiño de 125 g é estupendo para complementar unha merenda ou almorzo saudables. Proporciónanlles o calcio e a enerxía que precisan para creceren sans. Mételles un iogur de Larsa na bolsa do cole e has ver como cho agradecen.
Ademais, os reposteiros máis experimentados saben de primeira man que un iogur de Larsa é o mellor aliado para preparar o típico biscoito de iogur. Quen non utilizou un iogur de Larsa para medir as cantidades desta clásica e sinxela receita? Escolle o sabor que máis che guste e dálles un toque diferente ás túas sobremesas. Ti decides se compartir o segredo ou gardalo para ti.