O noso apoio á produción en réxime de pastoreo é unha volta á orixe, ao recoñecemento das boas prácticas que caracterizaron tradicionalmente aos gandeiros galegos e, dende hai case 100 anos, aos que traballan con Larsa.

Larsa naceu da innovación ao elaborar de forma profesional un produto tradicional, coma o queixo plano tipo Arzúa, para levalo ao mercado. E ese segue a ser o noso espírito, o de sermos fieis gardiáns das tradicións de Galicia. Por iso lanzamos novas presentacións dos sabores máis tradicionais, produtos de alto valor engadido que lle renden homenaxe á nosa historia en común. Un tributo a sabores moi de noso para espallar esa cultura gastronómica entre os máis novos e máis alá das nosas fronteiras.

Boa proba disto é a Sobremesa de Licor Café. Un produto lanzado en 2016 co sabor máis típico das xuntanzas familiares e de amigos de Galicia que se converteu nun fenómeno social e mercantil. A súa comercialización revolucionou o mercado galego, esgotou as existencias dos supermercados e excedeu a nosa capacidade de produción durante semanas.

Con este e outros lanzamentos, Larsa dá un paso máis na súa traxectoria como empresa de referencia coa gama de iogures máis completa do mercado. Entre eles, destaca o Iogur de Vainilla, unha sobremesa única, cun sabor intenso e unha cremosidade inigualable. Por algo é o iogur máis vendido en Galicia e levanta paixóns mesmo alén dos Ancares. É un dos nosos produtos estrela.

E que dicir logo do Queixo en Barra, que dende hai décadas é o queixo dos galegos? Suave, sabedeiro e cun perfecto fundido que fixeron del o queixo de referencia para bocadillos e sándwiches de varias xeracións. Por iso mantemos a receita e a fórmula de sempre!