En Larsa sempre estamos á procura de novos sabores que satisfagan aos nosos larseiros e por iso elaboramos o noso quefir natural con leite de Pastoreo. Está pensado para coidar da túa saúde sen perder o sabor e a cremosidade únicos que nos caracterizan. Aproveita todos os beneficios dun dos lácteos máis antigos que existen e empeza a coidarte desde dentro.
En Larsa elaboramos todos os nosos iogures con leite de Pastoreo, o que fai que teñan ese sabor tan especial que tanto nos gusta. O leite que utilizamos provén de vacas que viven en liberdade, pacendo en campos galegos e alimentándose de maneira natural. O benestar das nosas vacas inflúe directamente nos nosos produtos.
Grazas á presenza de microorganismos vivos e á combinación de fermentos lácticos propios do quefir e do iogur, o noso Quefir natural con leite de Pastoreo coida de ti dende a primeira cullerada. Ademais, é unha fonte natural de nutrientes esenciais como o calcio e as proteínas. Sen dúbida, unha opción saudable que che axuda a sentirte ben por dentro e por fóra.
© 2025 All Rights Reserved.
