A froita tómase ás culleradas! Os iogures de pastoreo con froitas Larsa son a proba irrefutable de que comer froita é san, e tamén un pracer. Podes escoller o que máis che preste entre a nosa selección: iogur con amorodo, iogur con ananás, iogur con pexego, iogur con froitos do bosque, iogur con cereixa, iogur con mandarina ou iogur con pera. Todo o sabor da mellor froita nos teus iogures favoritos.
Con sabor a uva fresca e coa cremosidade ideal do Leite de Pastoreo, o iogur pensado para festexar a vendima.
Unha sobremesa ou merenda ideal con todo o sabor da nosa froita cítrica de inverno favorita
Un dos favoritos dos amantes do iogur con froitas para gozar das cereixas todo o ano
O noso particular combinado de iogur con bagas e froitos do bosque para que os comas ás culleradas
Os iogures con froita Larsa elabóranse co mellor leite de pastoreo; leite de vacas que viven e pastan felices nos verdes prados galegos. Os gandeiros de pastoreo saen cos seus animais todos os días pola mañá ben cedo. As vacas gozan da súa liberdade ata última hora da tarde, cando se retiran a descansar.
Nas granxas de pastoreo respéctanse os ritmos dos animais e compleméntase a súa alimentación de pastos con alimentos naturais. Todo este agarimo e ausencia de tensión dan como resultado unha materia prima de calidade superior coa que se preparan os nosos sabedeiros iogures con froitas. Próbaos e verás a diferenza!
Está claro que os amantes da froita desfrutarán moitísimo con esta selección de iogures. Pero os iogures con froitas de Larsa tamén son ideais para aquelas persoas ás que lles custa un pouco máis consumir as racións de froita diaria recomendada. A textura cremosa dos iogures Larsa, combinada coa frescura das túas froitas preferidas, conseguirá que caias na tentación. Ademais, son unha opción estupenda para que os nenos aprendan que tomar froita non é aburrido; é delicioso e divertido! Ideais para cativos e maiores por igual. Os iogures con froitas son perfectos para consumir como complemento dun almorzo completo, para merendas saudables ou para un snack a calquera hora do día. Esta gama de iogures Larsa ofrece todos os beneficios dos lácteos coas vantaxes da froita de verdade. Desfruta comendo ben, e non llo diremos a ninguén se non te podes resistir a lamber a tapa.
© 2024 All Rights Reserved.
