Un produto cun sabor inconfundible, a garantía de calidade de Larsa e a textura perfecta, tanto para o seu consumo en cru, nun almorzo enerxético, como para elaborar as túas mellores receitas de pratos doces e salgados.
A manteiga é un dos alimentos tradicionalmente asociados á dieta do norte de Europa, nomeadamente ás zonas de produción láctea, pola facilidade da súa elaboración caseira a partir da nata do leite. Trátase dun ingrediente rico en vitaminas A, D, E, B12 e K2 e en minerais, coma o iodo, que contribúen a un mellor funcionamento do metabolismo.
Todas estas propiedades fan da manteiga tradicional un compoñente ideal para darlles sabor ás torradas do almorzo ou da merenda de toda a familia e, especialmente, dos máis pequenos e dos adultos con estados carenciais.
A Manteiga Tradicional de Larsa é perfecta, ademais, para engadila na preparación de todo tipo de pratos doces ou salgados. En mollos, cremas, biscoitos, tortas e outras sobremesas, ou para aderezar gratinados ou verduras asadas ou cocidas ao vapor. Proba con Larsa e descubre o toque dun sabor suave e inconfundible: o sabor da manteiga líder da nosa terra.
© 2024 All Rights Reserved.
