Os nosos iogures con bífidus están pensados para enriquecer a túa alimentación diaria e recuperar o equilibrio interior sen renunciar ao auténtico sabor dos iogures Larsa. Esta gama de iogures está composta por 4 variedades diferentes: bífidus natural, bífidus natural desnatado, bífidus con abelás e bífidus con cereais. Escolle o teu e empeza a coidarte!
O sabor do iogur natural de sempre cun extra que axuda a coidar a túa flora intestinal
Coida a túa flora intestinal e a túa liña coa cremosidade do iogur elaborado con Leite de Pastoreo
A nosa selección de iogures Larsa con bífidus está elaborada con leite 100 % galego e de pastoreo! Larsa é a primeira marca con leite de pastoreo certificada por SGS S.A. O leite de pastoreo é leite de vacas que gozan en liberdade dos pastos e que só consomen alimentos naturais.
Todos os nosos gandeiros contan cun caderno de pastoreo no que anotan os nomes das vacas que saen a gozar da liberdade das verdes herbeiras galegas e en que pradería pastan. As nosas vacas viven felices e, a cambio, recompénsannos cun leite delicioso. Con ese leite de calidade superior preparamos para ti os mellores iogures.
Co ritmo de vida actual é difícil coidar a nosa alimentación e seguir unha dieta sa e equilibrada. Pero o correcto funcionamento do noso organismo depende diso e debemos tratar de introducir na nosa rutina diaria alimentos que nos axuden a regularnos. Os iogures bífidus Larsa conteñen bífidus activos que che axudan a manter o equilibrio que tanto necesitas. Que é exactamente o bífidus? Bífidus é o nome co que se coñecen comunmente as bifidobacterias, unhas bacterias que habitan no noso tracto dixestivo e que son beneficiosas para a nosa saúde. As bifidobacterias forman parte da microbiota intestinal na que habitan miles de microorganismos. Coidar a nosa saúde dixestiva axuda a mellorar a absorción de nutrientes e a combater outras bacterias potencialmente nocivas.
