Cremosísimo é a nosa forma de demostrar que non temos por que usar nomes nin letras estraños para ofrecerche un iogur suave, agradable e máis cremoso ca ningún outro. Porque á cremosidade natural do Leite de Pastoreo engadímoslle un lixeiro toque de nata para obter o noso Cremosísimo, cun 6,5% de Materia Graxa, un 40% menos que outras sobremesas lácteas.
Só, con azucre, con mel, con froitas, con cereais, con froitos secos… O Cremosísimo Natural é o iogur perfecto para deterse un pouco e gozar. Como sobremesa ou merenda ou nese descanso que todos precisamos na metade dos nosos quefaceres diarios, unha cullerada do Cremosísimo Natural é o pracer feito iogur. Descubre a súa textura e verás como acabarás incluíndo o Cremosísimo Natural nas túas receitas de salsas e ensaladas.
