A Sobremesa de Licor Café naceu no 2016 xunto con outros novos sabores cos que quixemos honrar os produtos senlleiros da nosa gastronomía. Sen nada de alcol, pero todo o sabor do licor café, o lanzamento foi un fenómeno viral e comercial sen precedentes que esgotou as existencias dos supermercados e a nosa capacidade de produción durante semanas.
Se es dos que non perdoa o licor café, brindámosche a sobremesa perfecta para que te ergas da mesa con ese celme a doce e café, pero sen nada de alcol. Unha sobremesa láctea perfecta tamén como merenda ou para ese momento de relax no sofá.
