Receita de leite frito: O clásico mellorado

Comeza aromatizando o leite! Pon a metade do leite (250 ml) nun cazo a lume medio, engade o limón, a canela en rama e deixa que se quente sen que chegue a ferver. Unha vez quente, retírao do lume, tápao cun prato e déixao repousar durante 20 minutos.

Cando pasen os 20 minutos, coa o leite e verteo noutro cazo para quentalo de novo a lume baixo con 100 g de azucre. Remove de cando en vez e déixao ao lume para incorporar, tal e como contamos no seguinte paso, a masa de fariña e leite.

Mestura nun bol a fariña e o resto do leite. Cando teñas a mestura de forma homoxénea, incorpóraa ao leite que tes co azucre no lume.

Con axuda dun batedor mestura aos poucos todos os ingredientes. Lembra que segues con lume baixo, ten paciencia, Larseiro. Esta é sen dúbida a parte máis importante da receita. Remove aos poucos uns 30-40 minutos ata que a masa xa estea espesa.

Está lista? Colócaa nun recipiente untado con aceite de xirasol e méteo na neveira unhas 2-3 horas para que se arrefríe. Non te preocupes polo aceite, a túa masa non collerá sabor.

É hora de sacar a masa da neveira! Parece xelatina, verdade? Desmóldaa e córtaa en porcións pequenas. Para que teñas unha idea: Uns 5 centímetros está ben.

Prepárate para fritir. Mentres o aceite colle temperatura, coloca varios pratos: Un con fariña para rebozar, outro con ovo batido, un cun pano de mesa para absorber o aceite sobrante e finalmente un prato cunha mestura de azucre e canela.

Reboza cada anaco primeiro en fariña, logo ovo e fríteos (medio minuto por cada lado) en aceite moi moi quente. Escórreos no papel absorbente para que non queden aceitosos. Se non quitas o excedente de aceite pode quedar un sabor un pouco forte.

E, finalmente, reboza cada anaco na canela en po e azucre. Este paso é ao teu gusto, podes botarlle máis ou menos cantidade.

A nosa suxestión é que o presentes cunha bóla de xeado para ter o contraste quente e frío. Chuparás os dedos!