Esta receita de solombo de porco en salsa de nata e champiñóns é un prato sinxelo de preparar, delicioso e perfecto para calquera celebración. Podes elaborar esta receita con todo tipo de carnes, pero o solombo, en medallóns ou en dados, é a carne máis tenra e zumarenta. É importante respectar os tempos de cocción para gozar do teu solombo de porco no punto perfecto.
Alérxenos
Lácteos.
Que produtos de Larsa precisas para facer a receita?
Para comezar, corta os solombos de porco en medallóns.
Pon unha tixola a lume alto cun pouco de aceite. Cando o aceite estea quente, sela os solombos de porco. Salpiméntaos e resérvaos.
Pica a cebola e rústrea no mesmo aceite. Remove de cando en vez para evitar que se queime.
Cando a cebola comece a dourarse, lamina os champiñóns e engádeos á tixola.
Non deixes de remover os champiñóns. Agrega o viño branco e déixao cociñar ata que reduza.
Engade a nata para cociñar e remove moi ben para ligar todos os ingredientes da salsa.
Por último, volve meter os medallóns de solombo de porco na tixola coa salsa de nata e champiñóns a lume baixo durante 15 minutos para que se acaben de cociñar. Emprátao e… Bo proveito!
