Se che preguntásemos que xénero -homes ou mulleres- consome máis lácteos, saberías a resposta? E se a pregunta fose ‘que produto lácteo aumentou o seu consumo’?
Para dar resposta a estas e outras moitas preguntas, a Fundación Española da Nutrición (FEN) publicou un informe, coñecido como estudo Científico ANIBES, sobre “El consumo de leche y derivados como indicador de calidad de la dieta y estilos de vida de la población”.
Con este informe preténdese obter información sobre o consumo de lácteos. Para iso, tomouse unha mostra representativa da poboación (persoas con idade comprendida entre 9-75 anos), á que se someteu a unha serie de enquisas. Nesta recompilación de datos, tivéronse en conta diferentes variables como a idade, o sexo, aspectos socioeconómicos, hábitos de vida e de saúde.
Segue lendo para coñecer os resultados e saber se as túas respostas son correctas!
Entón, quen consome máis lácteos?
Os resultados do informe determinaron que a maioría da poboación española consome lácteos. O produto lácteo que máis se consome é o leite, o grupo de maior consumo é a poboación infantil e, tendo en conta o xénero, as mulleres consomen máis lácteos que os homes.
Queredes saber máis datos curiosos? Pois aí van dous: O consumo diario de lácteos está relacionado cunha maior cantidade de ingresos e o queixo é o produto lácteo que máis aumentou o seu consumo. Sorprendente, verdade?
Os lácteos son beneficiosos para o organismo
A composición nutricional dos lácteos xoga un papel fundamental no óptimo desenvolvemento do organismo, debido á súa achega de proteínas de elevada dixestibilidade, o gran número de ácidos graxos e o seu alto contido en minerais e en vitaminas.
Mesmo relaciónase o consumo de lácteos cunha alimentación de maior calidade. Isto é debido a que os lácteos permiten alcanzar, de maneira máis sinxela, as inxestas recomendadas de micronutrientes como o calcio, a vitamina D, o potasio, o magnesio, a riboflavina ou a tiamina, necesarias para o fortalecemento e desenvolvemento do organismo.
Calcio, calcio e calcio
Sabemos que no caso concreto do calcio, os lácteos son os verdadeiros protagonistas. Pero, sabías que isto se debe a que o calcio contido nos lácteos ten unha gran biodispoñibilidade?
O que vén dicir é que o calcio está en gran cantidade e ademais, posúe unha alta capacidade de absorción. Isto é realmente interesante para as mulleres, xa que as doses recomendadas de calcio son superiores ás indicadas para os homes.
A graxa láctea aumenta a graxa corporal?
O estudo ANIBES vén a desmitificar algunhas lendas urbanas. Unha delas é sobre o consumo de graxa láctea. Neste caso, o estudo foi concluínte: ‘unha maior inxesta de graxa láctea non ten relación cun aumento de graxa corporal’. É dicir, o consumo de graxa láctea non implica un aumento de peso.
Ademais, o consumo de lácteos implica unha alimentación máis saudable e equilibrada, reducindo os excesos alimentarios e a porcentaxe de persoas que padecen obesidade.
E, por se aínda nos quedaban dúbidas, o estudo demostrou unha relación entre a práctica de actividade física e o consumo de lácteos, observándose un maior consumo naquelas persoas que realizan actividade física de forma habitual.
Cantos lácteos debemos consumir?
Sabemos que o consumo de lácteos é bo para o organismo e mesmo saberiamos explicar porqué. Agora xa só falta dar resposta á última pregunta, a que nos vai a aclarar cantos lácteos debemos consumir de forma diaria.
Para poder gozar de todas as propiedades e beneficios dos lácteos, recoméndase un consumo de 2 a 3 racións diarias de leite e derivados lácteos, dependendo da idade e situación fisiolóxica. Desta maneira, recoméndanse 3 racións ao día en nenos; 4 racións en adolescentes, de 2 a 3 racións en adultos e adultos maiores e entre 3 e 4 racións ao día en mulleres embarazadas.
Estes son algúns dos datos que se obtiveron grazas ao estudo Anibes. Un estudo que achega información sobre o consumo de lácteos, determinando que o leite é o produto lácteo que máis se consome entre os españois. O estudo non inclúe datos por comunidades autónomas pero en Larsa estamos seguros de que entre os galegos tamén triunfan os lácteos, e de calidade. E é que por se aínda non o sabías, Larsa é a marca favorita dos galegos, que así demostran a súa preferencia por un Leite 100% galego, 100% de Pastoreo con sabor a leite de toda a vida.
Larsa, a favorita dos galegos
O estudo Brand Footprint 2022, realizado por Kantar Worldpanel, sitúa a Larsa como a marca máis consumida en Galicia, converténdose na marca favorita dos galegos por quinto ano consecutivo.
Os lácteos en Galicia van da man de Larsa, unha marca vinculada a Galicia desde hai case un século. E en todo este tempo, non perdeu nunca o seu compromiso coa calidade, ofrecendo -a través do seu característico modelo de Pastoreo- alimentos lácteos co sabor a Leite de toda a vida.
Larsa respecta as receitas tradicionais e, á súa vez, incorpora novos sabores. Todos coa máxima calidade, elaborados a partir de Leite 100% galego certificado co selo SGS, un selo que avala que as vacas pacen en liberdade nos prados de Galicia.