O leite e os seus beneficios na nosa saúde

O leite é un alimento moi completo con grandes beneficios para a saúde. Tanto é así, que a riqueza dos seus elementos nutritivos confírelle unha alta densidade nutricional. 

É un alimento cun baixo valor calórico (debido ao seu alto contido en auga), que achega proteínas de alto valor biolóxico e boa dixestión, graxas, hidratos de carbono (lactosa), vitaminas, minerais e encimas.

Cada un dos compoñentes que podemos atopar no leite ten unha función importante no noso organismo. Segue lendo para coñecelos en detalle.

Que beneficios ten o leite?

O consumo de leite recoméndase en todas as etapas da vida, incidindo na infancia, grazas aos beneficios que achega á saúde ósea. 

Unha inxesta recomendada de leite, dentro dunha alimentación variada e equilibrada, está asociada con melloras en moitas funcións fisiolóxicas. Entre elas atopamos unha mellora na regulación do peso corporal, o fortalecemento da nosa saúde ósea, a mellora do perfil lipídico, así como a posibilidade de reducir o risco de padecer hipertensión e a síndrome metabólico.

O leite, pertencente á familia dos lácteos, xera unha achega óptima de calcio, contribuíndo a conseguir un pico de masa ósea adecuado e diminuíndo o risco de desenvolver osteoporose na idade adulta. Ademais, a combinación de calcio e de proteínas achega un rol extra no desenvolvemento de cada individuo, favorecendo, non só  un correcto crecemento e maduración da masa ósea, senón tamén da masa muscular.

Diversos estudos sinalan que existe unha relación inversa entre o consumo de leite e o risco de hipertensión na adolescencia e na idade adulta.

 

E o leite baixo en graxas?

Debido aos seus efectos saciantes, o leite baixo en graxas (semidesnatado ou desnatado) axuda a controlar o apetito, influíndo no control e na regulación do peso corporal.

Unha inxesta moderada pode axudar a controlar de forma sostida os descensos da presión sanguínea. Isto é debido ao seu contido en calcio, proteínas, vitamina D, potasio e magnesio; compoñentes con grandes beneficios sobre a presión arterial. Ademais, a combinación das proteínas e o contido de calcio, que interveñen en funcións metabólicas, contribúen a unha menor absorción de graxas e a un aumento en accións de gasto enerxético.

Por outra banda, o leite baixo en graxas está asociado cun efecto hipocolesterolémico, posiblemente como consecuencia do seu baixo contido en graxa saturada e colesterol, pero tamén pola achega de micronutrientes que interveñen na absorción e no metabolismo da graxa.

 

Cal é a cantidade recomendada de leite ao día?

As recomendacións varían dependendo da idade, o sexo e a situación fisiolóxica. Así, en nenos recoméndanse 3 racións ao día; 4 racións en adolescentes, e 2-3 racións en adultos. Ademais, en mulleres embarazadas e xestantes, recoméndanse entre 3 e 4 racións ao día. 

En resumo, o leite ten grandes beneficios para a saúde. A súa inxesta diaria, no marco dunha alimentación variada e equilibrada, axuda a mellorar as nosas funcións fisiolóxicas, con grandes beneficios na nosa saúde. 

265