O papel do leite na alimentación das persoas maiores foi motivo de gran interese nos últimos anos.
A alimentación das persoas maiores, a miúdo, sofre modificacións; co paso dos anos aparecen diferentes enfermidades, xorden problemas de mobilidade intestinal, falta de pezas dentais, mesmo pode darse unha peor absorción de nutrientes. Ademais, tamén pode diminuír o apetito.
Levar a cabo un correcto estilo de vida é esencial para previr moitas patoloxías.
Enfermidades como a sarcopenia adoitan ser propias de idades avanzadas. Esta afección caracterízase pola diminución da masa muscular, forza e funcionamento dos músculos. Os principais signos e síntomas inclúen debilidade, cansazo, fatiga, problemas de equilibrio e dificultades para camiñar e manterse de pé. Isto deriva nunha maior probabilidade de caer, sendo máis vulnerable á rotura de ósos e outros órganos. Outras enfermidades moi típicas da terceira idade son as enfermidades cardiovasculares.
Levar a cabo un correcto estilo de vida é esencial para previr moitas patoloxías. O exercicio físico de maneira rutineira ou a inxesta de alimentos saudables son clave.
No que se refire á alimentación, os lácteos poden ter un peso considerable xa que son un grupo de alimentos moi interesantes para paliar ambos os tipos de enfermidades. A súa composición nutricional é bastante completa.
A gran achega de calcio e proteínas de alto valor biolóxico fai dos lácteos o aliado perfecto para previr a sarcopenia.
Manter uns ósos fortes e sans nestas idades é máis importante se cabe, xa que co paso dos anos pérdese con máis facilidade a densidade ósea. O calcio que achegan os lácteos é clave, xa non só pola cantidade, se non pola súa biodispoñibilidade, que permite unha mellor absorción. Doutra banda, a relación entre as enfermidades cardiovasculares e a inxesta de lácteos foi analizada por moitos estudos tendo como resultado unha asociación neutra, e mesmo nalgúns casos inversa, entre o consumo de lácteos dentro dunha boa alimentación e a aparición deste tipo de enfermidades.
Tamén é de vital importancia para a terceira idade a achega de vitamina D e de vitamina B12. Sendo os lácteos un grupo de alimentos moi a ter en conta para obter ambas vitaminas.
Outro aspecto moi significativo é que son alimentos de fácil consumo. Existe moita variedade, dende os máis tradicionais como son o iogur, o queixo e o leite, ata os máis recentes como o kéfir. Ademais, posúen unha clara vantaxe con respecto a outros alimentos e é que adoitan ter unha alta aceptación polo público de avanzada idade.