Receita de croquetas de luriñas

Unhas croquetas con sabor a mar. Anímate a facer a nosa receita de croquetas de luriñas con leite Larsa 100% galego, 100% de Pastoreo.

Notas de interese / Consellos

Un dos pasos da nosa receita é fritir as croquetas na tixola. Se o desexas, tamén podes cociñalas no forno cun pouco de aceite. Á hora de fritir as croquetas de luriñas na tixola, o mellor é que introduzas a croqueta co aceite quente, pero a unha temperatura media.

Alérxenos

Lácteos, moluscos, glute, ovo.

Que produtos de Larsa precisas para facer a receita?

Ingredientes

  • 500 g de luriñas
  • 1 litro de Leite Larsa
  • 1 cebola grande
  • 1 sobre de tinta de lura
  • 2 dentes de allo
  • 100 ml de viño branco
  • 120 g de fariña
  • 2 ovos
  • Un chisco de sal
  • Pementa
  • Noz moscada
  • 100 g de pan rallado
  • 80 mg de Manteiga Larsa

Elaboración

Limpamos moi ben as luriñas, separando as patas do corpo e retirando os refugallos. Lavamos con abundante auga para eliminar os restos de area.

Poñemos a quentar un pouco de aceite nunha tixola. Cando estea quente, engadimos a cebola e o allo picados. En canto estean pochados, engadimos as luriñas limpas e troceadas. Cociñamos durante uns 6-7 minutos a lume medio.

Engadimos os 100 ml de viño branco e o sobre de tinta de lura.

Integramos todos os ingredientes e deixamos que se cociñen xuntos durante uns 10 minutos para que se reduza o caldo. Reservamos.

Comezamos a elaborar a bechamel. Para iso, poñemos a quentar os 80 mg de Manteiga Larsa noutra tixola. En canto estea quente, engadimos os 60 g de fariña, mesturamos cun batedor de varas e refogamos ben.

Vertemos o leite aos poucos sen deixar de remover. Sazonamos con sal, pementa e noz moscada. Deixamos que se cociñe durante 10 minutos removendo co batedor de varas.

Engadimos as luriñas á bechamel. Mesturamos e deixamos que se cociñe outros 10 minutos.

Pasamos a masa a unha fonte ou recipiente e deixamos repousar ata que se arrefríe. Tapamos a fonte con papel filme e introducímola na neveira durante 24 horas.

É hora de facer as nosas croquetas. Collemos pequenas porcións de masa, dámoslles forma redonda, pasámolas por fariña, ovo batido e pan relado.

Cubrimos de aceite a tixola na que vaiamos fritir as nosas croquetas. Quentamos a lume medio. Cando o aceite estea quente, engadimos as croquetas previamente pasadas por fariña, ovo e pan rallado.

Nun prato ou fonte, deixamos preparada unha servilleta de papel para ir retirando as croquetas sobre ela, eliminando o exceso de aceite. Cando as croquetas estean cociñadas polos dous lados, retirámolas da tixola e imos introducindo as novas. A gozar!

302