Nun bol e con axuda dun batedor de varas batemos os ovos, os iogures e o queixo crema. O queixo mellor telo un intre fóra da neveira para que funda mellor.
Coa axuda dun coador integraremos a fariña e o fermento aos poucos sobre a mestura anterior ata conseguir unha textura suave e homoxénea.
Se se fai moi pesado o batido a man podemos usar a batedora eléctrica pero sen abusar para que non quede moi líquida.
Pasaremos a mestura a un molde engraxado lixeiramente con manteiga ou con spray de enfornar e deixamos cociñar a 180 graos durante 35 ou 40 minutos.
Pasado este tempo probaremos picando cun coitelo, se sae seco estará no seu punto se non enfornamos 5 ou 10 minutos máis.
Deixaremos arrefriar e podémola servir con xeado de vainilla, con caramelo ou soa porque está deliciosa.
