A receita de rigatoni con cogomelos shiitake, espárragos verdes e salsa de noces de Lidia

A pasta é un prato moi versátil que podes facer ao teu gusto e sempre estará deliciosa

Inicio / Receitas / Receitas dos nosos larseiros

Notas de interese / Consellos

Os cogomelos shiitake conteñen un gran número de vitaminas do grupo B, minerais como cobre, manganeso, selenio e zinc e son un importante prebiótico. Un delicado sabor que fortalece as defensas. Para a medicina chinesa é un alimento que favorece unha vida longa e sa.

Alérxenos

Lácteos, froitos secos

Que produtos de Larsa precisas para facer a receita?

Leite de Pastoreo Enteiro

Ingredientes

80 gr. de pasta sen glute (millo e arroz)
100 gr. de cogomelos shiitake
100 gr. de espárragos verdes
2 dentes de allo
1 porro (parte branca)
80 ml. de Leite Enteiro Larsa
50 gr. de noces
AOVE
Sal
Pementa negra
Noz moscada

Elaboración

Cogomelos: Pelar e partir un allo. Sofritir, engadir os cogomelos partidos e facer á prancha durante 10 minutos cun pouco de AOVE. Salpimentar e reservar.

Espárragos: Lavar os espárragos, refugar a parte final e partir. Saltear durante 5 minutos con AOVE e salpimentar. Reservar.

Pasta: Cocer a pasta ao dente en auga con sal. Reservar.

Salsa de noces: Pelar, picar e sofritir un dente de allo co porro. Cando estean dourados, engadir as noces partidas e agregar o leite. Salpimentar, engadir un chisco de noz moscada e cocer a lume lento durante un par de minutos. Bater ata obter unha salsa.

Mesturar a pasta coa salsa de noces e engadir os cogomelos e os espárragos partidos.

1348