Avecíñase o Nadal, cada familia celébrao de maneira distinta, pero todos asociámolo coa comida, en combinación coa nobre arte da boa mesa; rodeada dos seres queridos. Durante esa época é habitual escaparse un pouco da rutina, e ter máis exceso, conducindo a un desequilibrio temporal dunha boa alimentación.
Que é unha alimentación equilibrada?
Cando se fala dunha alimentación correcta ou saudable, interprétase unha alimentación equilibrada. Unha alimentación equilibrada contén todos os nutrientes necesarios para o bo funcionamento e benestar do noso organismo e consegue reducir o risco de padecer enfermidades.
Este tipo de dieta é fundamental para cada etapa da vida, e baséase no consumo dunha variedade de alimentos en proporcións adecuadas. En concreto, esa alimentación elixe o maior consumo en alimentos nutritivos e variados como froitas, verduras, legumes, cereais integrais, e unha redución do consumo de graxas, azucres e sal.
Durante a época do Nadal é fácil de excederse e perder ese balance, pero sempre, cun pouco de vontade, pódese gozar das festas e ao mesmo tempo coidar du mesmo. É importante seguir os bos hábitos alimentarios que levamos a cabo durante o resto do ano, polo cal a continuación compartimos algúns hábitos básicos que podes seguir nesta época festiva:
Bos hábitos para ter unha alimentación equilibrada
Auga como bebida principal
A bebida principal debe de ser a auga, xa que ten unha dobre importancia e función. A auga é o elemento máis básico para o mantemento hídrico do noso organismo e, ademais, axuda a regular o consumo excesivo dos alimentos. Acompañando a comida coa auga conséguese un maior control na cantidade da inxesta alimentaria.
Verduras e hortalizas
Seguro que entre a variedade de verduras e hortalizas atopas algunha que resulte realmente apetitosa. Hai moitas, non vale poñer cara longa! E lembra que os pratos teñen que estar acompañados sempre dunha gran cantidade de verduras e hortalizas para poder ter unha alimentación equilibrada e saudable.
Coidado coas cantidades
É totalmente comprensible que ao ver a nosa comida favorita na mesa abalancémonos a encher o prato. Temos que evitar que iso suceda e afastarnos de inxerir grandes cantidades. Tendemos a comer ata enchernos ou mesmo desperdiciar alimentos mentres que o ideal é botar menos cantidade e repetir se é necesario.
Feito en casa, moito mellor
Es cocinillas? Mans á masa! Unha das nosas recomendacións é que sexas ti mesmo o que elabores os teus pratos, sempre dará máis seguridade e apréciase máis nunha comida ou cea. Ademais, a comida xa preparada ou procesada é probable que nos sente peor e onde estea unha rica comida caseira… Que se quite o resto!
E de sobremesa… Foxe do azucre
Unha froita ou un coulant de chocolate? É moi difícil ter que elixir e, de feito, realmente ningún alimento debería estar prohibido. O que si, é mellor que tentes evitar sobremesas con moito azucre e exceso de graxas. Elixe sobremesas con froitas frescas feitas por ti e serve un pouco máis de vitaminas na túa mesa. Aínda que Larseiro, o chocolate negro tamén está permitido.
O truco para estar máis saciado
Como poderiamos saciarnos antes para evitar unha enchenta? A resposta, aínda que non o pareza, é sinxela: Interactúa cos compañeiros da túa mesa; as sensacións de estar cheo adoitan tardar uns 20 minutos aproximadamente. Mentres socializas na mesa, estarás a axudar e controlar o que inxires.
Actividade física
Ter certa actividade física non é complexo: subir e baixar escaleiras, camiñar… O truco está en moverse. Móvete, fai exercicio ou sal a pasear cos teus seres queridos, o tempo pasa rápido e hai que aproveitalo sempre. É unha parte importantísima para coidar da túa saúde, ademais dun hábito súper saudable.
Goza das vacacións!
O máis importante é que goces das túas vacacións. Nada do anterior está rifado coa celebración dunhas festas ou reunións en familia, simplemente hai que ter en conta certos hábitos saudables que van beneficiar, e moito, a túa saúde.
