As cremas frías son un recurso ideal para o verán, xa que son refrescantes e moi nutritivas. Para facer unha crema fría de cogombro con iogur grego Galaikos e menta doce e sen toques amargos, recomendámosche utilizar cogombros de pequeno tamaño e quitarlles as sementes antes de trituralos.
Alérxenos
Lácteos.
Que produtos de Larsa precisas para facer a receita?
Para comezar, lava ben os cogombros. Pélaos e córtaos pola metade.
Retira as sementes do interior do cogombro cunha culleriña. Cando remates de quitalas, parte o cogombro en dados.
Corta a ceboliña, a menta e pica o allo en láminas.
Pon todos os ingredientes nun vaso do batedor e agrega un chisco de sal, pementa negra, menta, tres ou catro culleradas de Aceite de Oliva e vinagre de mazá. Se o prefires podes substituir o vinagre por zume de limón.
Verte no vaso do batedor o noso iogur grego Galaikos Natural e tritúrao ben ata conseguir unha crema fina de cogombro e menta.
Se a densidade da crema é moi espesa, podes engadir auga ata lograr a consistencia que busques.
Refrixera a crema durante unhas horas na neveira para que arrefríe ben.
Recomendámosche servir a túa crema de cogombro con iogur grego moi fría e se o desexas, podes decorala con láminas de cogombro e follas de menta. Bo proveito!
