Receita de Biscoito de chocolate con iogur Cremosísimo

Un clásico da repostaría mellorado, ideal como sobremesa ou merenda para unha fin de semana #Larseira

Notas de interese / Consellos

Apetéceche un bo biscoito? Que gran clásico para merendar, de sobremesa ou como almorzo para empezar ben pero ben ben o día. E aínda por riba temos a mellor receita de biscoito de chocolate para que che saia ben esponxoso e cremoso. Adiviñáchelo? Este é un biscoito de chocolate con iogur, pero non calquera iogur, un Cremosísimo de Larsa natural co que conseguirás a mellor textura posible para o teu biscoito e o sabor de sempre, o do Leite de Pastoreo. E, lembra, Nada como os nosos vasiños de iogur para as medidas! Só che damos un consello especial: Unha vez que o enfornes, non abras o forno ata que pasen 35 minutos!

Alérxenos

Lactosa, Ovo, GIute
Receita de biscoito de chocolate

Que produtos de Larsa precisas para facer a receita?

Ingredientes

Elaboración

Facer un biscoito de chocolate con iogur Larsa, por suposto, é o máis doado do mundo. A preparación leva como moito 10 minutos, o mesmo que prequentar o forno. Logo só queda agardar cun ollo posto no forno ata que estea no seu punto. Por iso é unha desas receitas ideais para preparar en familia, con nenos, e pasar un intre entretido. E a recompensa é marabillosa, unha merenda caseira riquísima que sempre triunfa no centro da mesa de calquera reunión familiar ou entre amigos. Nadal, aniversarios, un día de frío e choiva… Calquera ocasión é boa! Xa che adiantamos que temos o segredo para que o teu biscoito de chocolate saia máis cremoso ca ningún outro: o noso Iogur Cremosísimo natural con Leite de Pastoreo. Só che queda poñelo a proba e seguir os nosos pasos. Anímaste?

Antes de nada, baleira o contido do teu Iogur Cremosísimo nun pequeno bol, enxauga e seca o vaso cun papel de cociña. Vas precisalo para comezar a medir.

Nun bol grande, verte o azucre e a manteiga derretida a temperatura ambiente e bate enerxicamente cun batedor de varas.

Casca e verte os ovos a temperatura ambiente e o iogur e volve mesturar.

Agora usa un coador ou peneira para engadir aos poucos a fariña e o fermento previamente mesturados.

Vai engadindo aos poucos e batendo co batedor. Así aireas a mestura para que o teu biscoito sexa realmente esponxoso.

Por último engade o cacao e mestúrao ben coa masa.

Cobre o teu molde cun pouco de manteiga ou cun papel de forno, se é plano, e verte a masa nel.

Prequenta o forno a 200 graos durante 10 minutos e báixao a 180 antes de meter o molde a altura media e con calor por arriba e abaixo.

Pecha o forno e non volvas abrilo ata que pasen 35 minutos. Se cometes este pequeno erro, o cambio de temperatura fará que o teu biscoito baixe.

Pasado este tempo, usa un pau de madeira para picar o biscoito. Se sae limpo, estará listo. Se sae húmido de masa, déixao 5 minutos máis e volve probar. Xa sabes que cada forno ten a súa personalidade ;).

Cando estea listo, apaga o forno e saca o biscoito para deixalo arrefriar. Necesitas suxestións para acompañalo? Un bo vaso de Leite de Pastoreo Larsa é o ideal.

894