Torta de castañas

O primeiro que imos facer é sacar a manteiga da neveira para que se abrande.

Mentres tanto, facemos un pequeno corte ás castañas e colocamos un cazo con auga no lume. Cando comece a ferver, engadimos as castañas e as escaldamos durante 5 minutos.

Retiramos as castañas do lume, pelámolas, picamolas en pequenos anacos e reservamos.

Vertemos o leite nun cazo e colocámolo ao lume a temperatura media. Cando o leite comece a quentarse, engadimos as castañas cortadas e deixamos que se cociñen durante 15 minutos.

Transcorrido ese tempo, batemos as castañas xunto co leite ata obter unha mestura homoxénea e reservamos.

Separamos as xemas das claras e gardamos as claras na neveira.

Nun bol introducimos as xemas, a manteiga, 170 g de azucre e batemos ben. En canto estean integrados todos os elementos, engadimos a crema de castañas e volvemos bater.

Prequentamos o forno a 180ºC durante 10 minutos. Mentres tanto, introducimos as améndoas, a fariña e o fermento nun bol e engadimos aos poucos, sen deixar de remover, a masa obtida anteriormente e reservamos.

Sacamos as claras da neveira e batémolas -a velocidade alta- cos 30 g de azucre. En canto estean montadas, engadímolas á crema, removendo con movementos envolventes.

Untamos o molde cun pouco de manteiga, vertemos a masa e enfornamos durante 30-35 min a 180ºC. Transcorrido ese tempo, picamos cun escarvadentes para comprobar que a torta estea feita. Se sae limpo, retiramos a torta do forno. Se non, deixamos que se cociñe durante 5 minutos e volvemos comprobar.

Sacamos a torta do forno e deixamos arrefriar. Decoramos con azucre glas e listo!