Logotipo Larsa logotipo Larsa logotipo Larsa Larsa

Rosquillas de Entroido

Un pracer redondo para a sobremesa con ese toque de anís que o fai irresistible

Notas de interese / Consellos

As rosquillas de Entroido (ou Melindres nalgunhas zonas de Galicia) son, se cadra, a sobremesa entroideira máis doada de facer, xa que non teñen grandes segredos. Nesta receita non aclaramos que aceite utilizar porque depende dos teus gustos. De todos os xeitos, hai quen prefire o de xirasol porque deixa menos sabor. Se prefires usar o de oliva, podes aromatizarlo fritindo primeiro nel unha pel de limón.

Alérxenos

Lactosa, Glute, Ovo
larsa img

Que produtos Larsa precisas para facer a receita?

Manteiga tradicional
Leite de Pastoreo Enteiro

Ingredientes

Elaboracion

As rosquillas son unha desas sobremesas tradicionais que coñece todo o mundo. É unha receita típica do Entroido e a Semana Santa, pero a súa elaboración resulta tan sinxela que hai quen aproveita a facelas durante todo o ano. A masa das rosquillas é moi similar ás das orellas de entroido. Hai mesmo quen utiliza a mesma masa para facer as dúas sobremesas, pero para nós, cada unha ten a súa personalidade e un sabor diferenciado. En Larsa temos a receita da avoa perfecta para que saian esponxosas e co toque perfecto a anís.

Pon os ovos nun bol co azucre e bate enérxicamente. Logo engade a Manteiga Larsa, o Leite de Pastoreo Enteiro Larsa, o anís e volve bater

Peneira a fariña e vai engadíndoa aos poucos á mestura e remove con axuda dun batedor de baleas ou unha espátula

Chega o momento de trasladar a masa ao mesado e amasala ben para que quede uniforme

Á hora de facer as rosquillas hai dúas opcións. Unha: facer boliñas do tamaño dunha noz e atravesalas co dedo para darlle forma de rosquilla ou facer pequenos churros e unir os dous extremos

Cando estean todas, coloca preto da cociña un bol con papel absorbente e pon unha tixola ao lume con aceite moi quente pero sen que fumexe

Vai fritindo as rosquillas polos dous lados con moito coidado de que non se queimen. Por dentro deben quedar esponxosas

Cando remates de fritir, colócaas sobre a fonte de servir e decora con azucre glas. Xa só queda gozar!