O caldo de verduras salienta o sabor delicado dos cogomelos sen enmascarar o do queixo, mantendo o equilibrio en cada bocado. É recomendable incorporar o queixo Arzúa-Ulloa antes de servir para acadar un risoto cremoso.
Alérxenos
Lácteos.
Que produtos de Larsa precisas para facer a receita?
Nunha pota a pouco lume botamos un chorriño de aceite e cando estea quente, engadimos a noz de Manteiga Tradicional.
Mentres se está a derreter a manteiga, picamos a cebola. Engadímola á pota para rustrila.
Limpamos os cogomelos cun pano húmido con moito coidado para que non rompan. Unha vez estean limpos, laminámolos.
Salpementamos os cogomelos e agregámolos á pota xunto coa cebola picada para sofritilos. Removemos de maneira constante para que non se queimen nin se peguen.
Engadimos o arroz sen deixar de remover e o viño branco e deixamos que se cociñe ata que reduza e se evapore o alcol.
Á vez, quentamos o caldo de verduras noutra pota a unha temperatura constante, vixiando que non chegue a ferver.
Incorporamos o caldo aos poucos e removemos o arroz ata que o absorba, coidando que non quede seco. Cociñámolo a lume medio durante 15-20 min.
Cando o arroz estea no seu punto, retirámolo do lume e agregamos o Queixo Galego con D.O. Arzúa-Ulloa Larsa cortado en anacos e un pouco de nata para cociñar para espesalo.
Removemos ata lograr a textura cremosa desexada no teu risoto de cogomelos con Queixo Galego con D.O. Arzúa-Ulloa. Empratamos e… A gozar!
