Se de algo entendemos todos os que formamos parte de Larsa, incluídos os nosos Larseiros, é de produtos de calidade da nosa terra, como son, por exemplo, os nosos queixos. Quen non inclúe un bo queixo galego na súa alimentación? E se é Larsa, mellor que mellor!
Os beneficios do queixo galego
Falar de queixo é falar dun alimento dun gran valor nutricional. Este derivado lácteo, que se obtén a partir da maduración da callada do leite, é perfecto para coidarse grazas á achega de calcio e as proteínas de alto valor biolóxico que contén.
Aínda que a concentración de graxas é maior no caso do queixo que no do leite, este produto destaca polo seu alto valor en vitaminas A, B2 (riboflavina), B12 (cobalamina) e D, ademais de minerais, como o sodio ou o potasio. E conta cunha baixa concentración de hidratos de carbono e azucres!
Imaxina gozar do exquisito e intenso sabor do Queixo Bóla Larsa con Leite de Pastoreo á vez que o teu organismo benefíciase diso. E é que, por se non o sabías, o consumo de queixo ten importantes beneficios que repercuten directamente na túa saúde, grazas, entre outros nutrientes, ao contido en calcio.
As propiedades nutricionais do queixo galego
-
Proteínas
Debido ao seu proceso de elaboración no que se elimina gran parte da auga presente no leite, o queixo concentra unha maior cantidade de proteínas que outros derivados lácteos. Ademais, estas proteínas son de alto valor biolóxico, convertendo o queixo no complemento perfecto de calquera alimentación sa, variada e completa.
-
Vitaminas
Do mesmo xeito que as proteínas, as vitaminas tamén se atopan en maior proporción no queixo que noutros lácteos, como poden ser o leite ou os iogures. Destacan as vitaminas A e D, aínda que tamén se atopan importantes concentracións de vitaminas do grupo B:
- B1 (tiamina)
- B2 (riboflavina)
- B9 (acedo fólico)
- B12 (cobalamina)
-
Minerais
Larseiro, sabes cal é o mineral máis abundante no queixo galego? Así é: o calcio, e é que todos os nosos queixos conservan a calidade e propiedades do mellor leite. De feito, o calcio que atopamos nos queixos galegos ten un importante beneficio, e é que o noso organismo absórbeo mellor que o que conteñen outros derivados lácteos. Isto ocorre como consecuencia da alta concentración de proteínas que conteñen estes queixos.
-
Graxas
En moitas ocasións pénsase que o queixo é o derivado lácteo que máis graxas contén e que o seu consumo pode chegar a ser prexudicial para a saúde, pero nada máis lonxe da realidade! Por exemplo, o Queixo Fresco Larsa conta cun baixo contido en graxas, o que o converte nun alimento pouco calórico e moi versátil. Realmente, cada tipo de queixo é diferente, e se os consumes nas cantidades recomendadas, só achegará beneficios á túa saúde. Non todo na vida é contar calorías!
Por que consumir queixos galegos
En Larsa encántanos o queixo galego e, como sabemos que a ti tamén, imos contarche cales son as cantidades recomendadas diarias deste manxar para que o consumas correctamente.
- Queixo curado: 30-50 gramos diarios
- Queixo fresco: 100 gramos diarios
Lembra que os expertos recomendan que un adulto san consuma de media 2 ou 3 derivados lácteos ao día. Así que xa sabes, Larseiro!
Queixos galegos Larsa
En Larsa somos expertos queixeiros, e é que levamos elaborando queixos galegos desde 1933. Case 90 anos! Que se di pronto… O noso primeiro queixo foi o de Arzúa (Aínda o seguimos elaborando seguindo a receita orixinal!) e, a partir dese momento, a gama de Queixería Larsa non deixou de crecer.
O noso segredo? Ser fieis ao sabor de sempre e ofrecerche queixos de máxima calidade, mantendo a fórmula orixinal de todos eles, non só do de Arzúa. Aínda que se es un auténtico Larseiro, é posible que xa coñezas todos os nosos queixos, imos refrescarche a memoria con algúns dos máis míticos.
Queixo Galego con D.O. Tetilla Larsa
Sen dúbida, o máis internacional dos nosos queixos é un imprescindible en calquer fogar galego. Este queixo de forma reconocible por todo o mundo é perfecto como picoteo, como ingrediente de moitas receitas ou fundido. O seu resaibo? Simplemente incrible.
Queixo Bóla Larsa
Vermello por fóra, 100% Pastoreo por dentro. O Queixo Bóla Larsa está elaborado con Leite de Pastoreo, como se fixo sempre, conservando todos os beneficios e propiedades deste leite. Un alimento ideal para toda a familia.
Queixo Fresco Larsa
Non nos esquecemos dos amantes do queixo fresco! Para almorzar, para comer, para merendar ou para cear, o queixo fresco é un complemento ideal de toda alimentación variada e saudable. Ademais, o Queixo Fresco Larsa contén 350 mg de calcio por cada 100 gramos, para manter os teus ósos e músculos fortes.
E para ti, Larseiro, cal é o teu queixo galego favorito? Sexa cal for, será unha boa elección porque todos están boísimos. Nós non somos capaces de elixir só un, así que quedamos con toda a gama existente na Quexería Larsa, ideais como complementos de calquera dieta sa. Iso si, non queremos perder a oportunidade de contarche un par de trucos para que saibas como conservar os teus queixos en perfectas condicións. Sería unha mágoa que se botasen a perder!
