Logotipo Larsa logotipo Larsa logotipo Larsa Larsa

Batido de amorodo

A merenda ou almorzo ideal para os días de calor

Notas de interese / Consellos

Amorodos, Leite de Pastoreo e iogur, pódese pedir máis para unha merenda perfecta? Que se poida beber! Para esta receita recomendámosche que utilices amorodos de tempada, como os que podes conseguir no verán e mesmo podes conxelar, ben secos nunha bolsa sen aire para gozar deles todo o ano. Ademais, se usas amorodos conxelados, o teu batido será máis cremoso. Con amorodos ben maduros e doces podes reducir a cantidade de azucre da receita a 80 gramos. Se es intolerante á lactosa, podes empregar o Leite Semidesnatado sen Lactosa Larsa e os Iogures sen Lactosa sabor Amorodo Larsa e gozar da receita.

Alérxenos

Lactosa
larsa img

Que produtos Larsa precisas para facer a receita?

Iogur sabor Amorodo
Leite de Pastoreo Enteiro

Ingredientes

Elaboracion

O batido de amorodo é unha magnífica forma de gozar dunha das froitas máis agradecidas do verán e do Leite de Pastoreo certificado Larsa. Unha receita natural, sa e ideal para refrescarte á hora da merenda ou a cea, despois dunha tarde de calor, e mesmo como almorzo para quen empeza o día con enerxía. Ademais, os batidos son perfectos para dar saída a froita moi madura e a mellor maneira de que os nenos remisos a comer froita natural devórena. Imos aló coa mellor receita de batido de amorodo? É unha preparación sinxela, pero con algúns trucos que che desvelamos para que obteñas a textura perfecta. Non negaremos que parte dese toque especial achégao o noso Iogur Tradicional Sabor Amorodo, tan cremoso como o Leite de Pastoreo co que o elaboramos. Ao choio!

Antes de nada, lava ben os amorodos debaixo dun chorro de auga fría e retira as follas e os rabos.

Parte ben os amorodos nun bol amplo e rocíaos co azucre. Remove ben para mesturalo ben coa froita e mete o bol no frigorífico durante media hora.

Pasado este tempo, os amorodos absorberán o sabor doce do azucre e podes comezar co teu batido de amorodos.

Introduce primeiro os amorodos co azucre no vaso do batedor e selecciona unha velocidade baixa para conseguir unha textura cremosa.

Bate ben ata que a froita se desfaga. Obterás unha crema dunha cor vermella moi intensa.

Engade aos poucos os Iogures Sabor Amorodo Larsa mentres accionas o batedor ata mesturalo todo.

Agora é o momento de engadir o Leite Enteiro de Pastoreo Larsa. Debes mantelo no frigorífico ata este momento.

Agrega o leite por partes, aos poucos, para ir integrándoo no batido e co batedor sempre a velocidade suave para conservar a textura cremosa.

Repite o proceso ata que termines todo o leite ou acades a fluidez que che gusta. Emulsiona ben o teu batido movendo o batedor de abaixo arriba. É así como se forman as burbulliñas.

Non esquezas probar o batido antes de terminar co batedor, especialmente se es larpeiro! Se é así, talvez poidas rematar o teu batido de amorodo cun pouco de mel.

Se queres arrefrialo un pouco máis no frigorífico, consérvao no vaso do batedor, e remove cunha culler antes de servilo. Gústache? Cóntanolo!