Torta de Queixo ao Forno

Saca la Tarta de Queso del horno y déjala enfriar en el molde. Deberás esperar a que esté tibia para desmoldarla sin que se rompa. ¡Qué aproveche!

Notas de interese / Consellos

A Torta de Queixo ao Forno sérvese fría, de feito cando a saques do forno estará un pouco máis cremosa que antes de que arrefríe, por iso é importante non quitala do molde antes de tempo. Con ela fría e, se queres darlle un toque aínda máis doce, podes cubrila con marmelada ou mel, pero soa está suficientemente saborosa.

Alérxenos

Lactosa, Ovo, Glute

Que produtos de Larsa precisas para facer a receita?

Iogur Natural

Nata para Montar

Leite de Pastoreo Enteiro

Queixo Bóla

Queixo Fresco

Ingredientes

Para 6 persoas

100 g de Queixo Bóla Larsa
100 g de queixo crema ou queixo fresco batido
6 ovos
2 iogures naturais Larsa
2 vasos de iogur Larsa de fariña
2 vasos de iogur Larsa de azucre
3 vasos de iogur de Leite Enteiro Larsa
1 e 1\2 vasos de iogur de Nata para montar Larsa

Elaboración

Se es amante do queixo, probablemente saibas que hai case tantas receitas de Torta de Queixo como tipos do noso ingrediente favorito. E si, todas mmm! Deliciosas. Esta que che propomos é un clásico, a Torta de Queixo ao Forno pero, como non!, con ese toque segredo que a fai súper cremosa e irresistible. O Queixo Bóla de Larsa, elaborado con Leite de Pastoreo e espectacular sempre, só ou acompañado con case calquera maridaxe e tamén ideal para cociñar porque funde moi ben. Non hai afeccionado á repostería caseira que non probase a facer unha torta de queixo, pero, é posible que a súa receita sexa mellor que esta? Gústanos pensar que podemos poñelo en dúbida ;) Para empezar, porque é súper sinxela de preparar, e para seguir… Mellor é que o comprobes experimentando. Segue os pasos, anímate a probar e cóntanos que che parece! Esperamos os teus comentarios en Instagram, Facebook ou Twitter.

Para gañar tempo, baleira os vasos de iogur naturais Larsa nun bol e usa un deles para medir vaso e medio de nata. Vértea nun cazo e rela sobre ela un anaco de 100 g de Queixo Bóla Larsa, elaborado con Leite de Pastoreo

Pon o cazo ao lume suave e remove cun batedor de baleas ata disolvelo completamente. Retírao e reserva mentres mesturas os demais ingredientes

Casca os ovos e engade o seu contido ao bol onde envorcaches os iogures. Agora volve utilizar os vasos de iogur para medir e engadir o Leite Enteiro Larsa, o azucre, a fariña, o queixo crema e, por último, a Nata para montar Larsa co queixo relado disolto

Podes ir prequentando o forno a 170º, xa estamos rematando! Cunha batedora de brazo, mestura ben todos os ingredientes ata que obteñas unha masa máis ou menos líquida e de cor amarelada

Utiliza un molde de forno redondo de bordo alto e engráxao ou cúbreo con papel vexetal para evitar que a torta se pegue. Verte sobre el o contido do bol

Mete a torta no forno sen baixar a temperatura durante os primeiros 5 ou 10 minutos con calor por arriba e abaixo e sen deixar de vixiala. Os tempos a miúdo cambian segundo o tipo de forno!

Cando vexas que a parte de arriba comeza a callar e os bordos da torta fórmanse, despegándose do molde, tes que baixar o lume a 130º e deixar que acabe de facerse, polo menos outra media hora. Se ves que está xa dourada e aínda lle falta tempo, baixa a temperatura a 100 º

Saca a Torta de Queixo do forno e déixaa arrefriar no molde. Deberás agardar a que amorne para desmoldala sen que rompa. Bo proveito!

1605