Hai sabores que nunca pasan de moda. E se hai un capaz de conquistar tanto aos amantes do café como a quen goza dun bo sobremesa caseiro, ese é o xeado de café. Cremoso, intenso e refrescante, este sobremesa converteuse nunha desas receitas que apetecen especialmente cando soben as temperaturas e buscamos un capricho diferente para as sobremesas de verán.
O mellor de todo é que preparar este xeado de café caseiro é moito máis sinxelo do que parece. Con poucos ingredientes, un pouco de paciencia e a nosa Nata para montar Larsa, conseguirás unha textura suave e un sabor espectacular.
En Larsa sabemos que as receitas máis especiais comezan sempre cunha boa materia prima e por iso elaboramos os nosos produtos para marcar a diferenza nas túas receitas desde a primeira cullerada.
Unha sobremesa con moita historia
Aínda que hoxe asociamos o xeado aos días de praia, ás terrazas e ás vacacións, o certo é que as súas orixes remóntanse a miles de anos atrás. Xa na Antigüidade existían preparacións elaboradas con neve, leite ou froitas que servían para combater a calor.
Co paso dos séculos, estas receitas foron evolucionando grazas a diferentes culturas ata chegar a Italia e Francia, onde comezaron a desenvolverse técnicas moito máis parecidas ás actuais. Pouco a pouco, o xeado foi conquistando Europa e, máis adiante, o resto do mundo.
Pola súa banda, o café tamén ten unha historia fascinante. A súa orixe remóntase a Etiopía, desde onde viaxou ata a península arábiga e desde alí expandiuse por todos os continentes ata converterse nunha das bebidas máis consumidas do planeta.
A unión de ambos ingredientes só podía dar un resultado delicioso: unha sobremesa refrescante co aroma inconfundible do café e unha textura incriblemente cremosa.
Receita de xeado de café caseiro
Con estas cantidades elaborarás aproximadamente entre seis e oito racións, perfectas para compartir en familia, con amigos… Ou para repetir cando ninguén estea mirando.
Ingredientes:
- 350 ml de Nata para montar Larsa
- 290 ml de leite condensado
- 3 culleradas de café soluble
- Un puñado de labras de chocolate para decorar
Elaboración:
- En primeiro lugar, introducimos a Nata para montar Larsa, un bol amplo e as varillas na neveira durante uns minutos. Este sinxelo truco facilitará a montaxe e axudará a conseguir unha textura moito máis estable.
- A continuación, retiramos todo da neveira, vertemos a nata no bol e engadimos o café soluble. Batemos coas varillas ata obter unha mestura firme, aireada e cunha textura cremosa.
- Unha vez montada a nata, incorporamos o leite condensado pouco a pouco e integrámolo con movementos suaves e envolventes para conservar o máximo aire posible na preparación.
- Cando a mestura estea completamente integrada, vertémola nun recipiente ancho apto para conxelador e alisamos a superficie coa axuda dunha espátula.
- Agora, introducimos o recipiente no conxelador e deixamos repousar o xeado durante 24 horas ou, cando menos, toda a noite, ata que acade a consistencia perfecta.
- Uns minutos antes de servir, retirámolo do conxelador e deixámolo repousar a temperatura ambiente. Así, será moito máis doado formar as bólas e gozar dunha textura aínda máis cremosa.
- Por último, decoramos con unhas labras de chocolate (ou co que ti queiras) e… Listo! Xa podemos gozar dun delicioso xeado de café caseiro digno de calquera xeadería.
Truquiños larseiros para conseguir un xeado aínda máis cremoso
Como en calquera receita caseira, hai pequenos detalles que, sen dúbida, marcan a diferenza.
- A Nata para montar Larsa debe estar moi fría antes de montala. Tamén axuda moito arrefriar previamente o bol e as varillas, como xa vimos.
- Utiliza café soluble de boa calidade. Será o protagonista da receita e marcará gran parte do sabor final.
- Se prefires un sabor máis intenso, podes engadir unha culleradiña extra de café ou incorporar un chorriño de espresso ben concentrado cando a mestura xa estea fría.
- Garda o xeado nun recipiente hermético para conservar mellor a súa textura e evitar que absorba olores do conxelador.
Se queres subir de nivel, proba un affogato
Hai unha receita italiana que demostra que café e xeado forman unha parella perfecta: o affogato.
Ademais, preparalo non pode ser máis sinxelo! Só necesitas colocar unha ou dúas bólas de xeado de café (ou mesmo de vainilla) nunha cunca e botar por enriba un café espresso acabado de facer. O contraste entre o café quente e o xeado frío crea unha combinación espectacular.
Se ademais queres darlle un toque máis especial para unha comida con amigos, podes engadir unhas améndoas torradas picadas, un pouco de chocolate relado ou mesmo unhas galletas esmigalladas. Terás unha sobremesa elegante, sinxelo e listo en apenas uns minutos.
Ideas para gozar deste xeado
Unha das maiores vantaxes do xeado de café é que combina con moitísimos outros sabores.
Podes servilo acompañado dunhas galletas caseiras, dun bandullo galego ou dunha bica galega para crear un contraste de temperaturas irresistible. Tamén queda delicioso xunto a unhas abelás torradas, un pouco de cacao en po ou unhas lascas de chocolate negro.
E se buscas unha merenda diferente, proba a preparar un batido mesturando unha bóla de xeado de café cun pouco de leite ben frío. Conseguirás unha bebida cremosa e refrescante, perfecta para as tardes de verán.
A calidade dos ingredientes sempre marca a diferenza
En receitas tan sinxelas coma esta, onde apenas utilizas catro ingredientes, cada un deles ten un papel fundamental. E a nosa Nata para montar Larsa é, sen dúbida, unha das grandes protagonistas.
Achega cremosidade, corpo e textura grazas a que está elaborada seguindo a receita tradicional, facendo que o xeado resulte máis agradable desde a primeira ata a derradeira cullerada.
En Larsa levamos anos apostando por ingredientes de calidade que conservan todo o seu sabor e que che axudan a que as túas receitas saian sempre como esperas. Porque cando a materia prima é boa, non fai falta moito máis para gozar dun sobremesa moi saboroso.
Así que xa o sabes, prepara ese xeado de café, sérveo ben frío e compárteo con quen máis che apeteza. Estamos seguros de que se converterá nun deses sobremesas que repetirás verán tras verán. E iso, para nós, xa é moi larseiro 😉.