En Larsa sabemos que hai cousas que nunca cambian. Que llo digan ás nosas vacas, que desde as nosas orixes, pacen en liberdade nos prados galegos. Grazas a elas e ao mantemento do noso sistema de Pastoreo, preservamos ese sabor a leite de toda a vida.
Os produtos de Larsa son unha celebración do noso pasado, unha forma de manter, respectar e preservar a tradición. A nosa forma de traballar é sempre coa mirada posta no futuro, creando novos sabores, adaptándonos aos tempos e cambiando aquilo que sexa necesario para deixar unha pegada -máis positiva e máis sostible- no planeta e nas persoas.
Por iso agora cambiamos o tapón do noso brik de Leite de Pastoreo Larsa Premium. Contámosche que implica para o planeta!
Que é o que cambia do envase?
En Larsa cambiamos o tapón do noso brik de Leite de Pastoreo Larsa Premium.
O novo tapón deixa de funcionar de forma independente, deixando atrás o clásico peche de rosca no que lanzabas ao lixo o tapón por un lado e o brik, por outro. O novo tapón mantén a apertura de rosca, pero neste novo deseño, a rosca unicamente serve para abrir o envase. Para pechar, só terás que presionar o tapón cara ao interior do brik. Así, o tapón quedará sempre unido ao brik, formando un único envase.
O cambio de tapón ten as súas razóns. Segue lendo para descubrir que melloras implica e como debes utilizalo!
Que supón isto?
O noso novo tapón, unido ao brik, forma un único envase. Desta maneira, melloramos a reciclabilidade dos residuos, evitando a perda de tapóns dentro da cadea de reciclaxe. Ao permanecer unidos, asegurámonos de que todos os tapóns sométense ao proceso de reciclaxe final.
Por tanto, esta modificación permite facilitar a reciclaxe dos briks de Leite de Pastoreo Larsa Premium. Pero non só iso, co novo tapón tamén reducimos os residuos plásticos e mitigamos as emisións de CO2 .
O novo tapón, capaz de reducir as emisións de CO2 e mellorar a reciclabilidade dos residuos, é máis sostible que o anterior deseño. Pero ademais de ser máis respectuoso co planeta, o novo tapón é moito máis práctico. Cun só clic péchase hermeticamente!
Máis sostible, máis fácil de reciclar, menos emisións de CO2 e moito máis práctico. Así é o noso novo deseño!
Por que agora?
En Larsa adiantámonos á nova Lei de Residuos. Esta nova normativa legal, que entrará en vigor o 3 de xullo de 2024, determina que só se poderán introducir no mercado os produtos cuxas tapas e tapóns permanezan unidos ao recipiente.
Os nosos produtos, que contan cos maiores estándares de calidade, chegarán ao teu supermercado favorito en envases máis respectuosos co planeta.
Envases máis sostibles para o noso Leite 100% galego, 100% de Pastoreo!
Como se emprega?
Utilizar o tapón de Leite de Pastoreo Larsa Premium é moi fácil. Só tedes que collerlle o truco, Larseiros!
1. Para abrir, virade o tapón en sentido contrario ás agullas do reloxo.
2. Para servir, levantade o tapón, que se mantén unido ao brik.
3. Para pechar, presionade o tapón ata a boca de peche. Escoitaredes o clic!
4. Para volver abrir, repetide os pasos 1 e 2.
Ao principio pode parecer complicado, pero todo é afacerse. Se practicades dous ou tres veces, abrir o novo tapón é pan comido. Comezará a saír de forma natural moi rapidamente!
Como se recicla?
Reciclar os novos envases é moi fácil! O novo tapón de Leite de Pastoreo Larsa Premium, ao permanecer unido ao envase, recíclase xunto ao brik. Aseguramos de que o tapón non se perda! O envase de Leite de Pastoreo Larsa Premium debe depositarse no contedor amarelo, que é o destinado aos envases de plástico, ás latas e aos envases de tipo brik.
En Larsa estamos comprometidos coa excelencia en toda a cadea de produción. Unha cadea que comeza nos pastos e termina nos fogares dos nosos Larseiros. Traballamos, día a día, para ofrecer os mellores produtos lácteos, para que cumpran, como ata o de agora, coas máis altas garantías de calidade.
Estamos felices de presentar o novo tapón de Leite de Pastoreo Larsa Premium. Unha pequena variación nos nosos envases, con grandes implicacións para o planeta: Facilitar a reciclaxe dos briks, reducir os residuos plásticos, mitigar as emisións de CO2 …
Un pequeno cambio que implica unha gran mellora!
